रायपुर.18। पूर्व प्रधानमंत्री भारत रत्न स्वर्गीय श्री राजीव गांधी के जयंती 20 अगस्त के मुख्यमंत्री निवास कार्यालय ले वीडियो कॉन्फ्रेंसिंग के माध्यम ले आयोजित कार्यक्रम म राजीव गांधी किसान न्याय योजना के तहत प्रदेश के 19 लाख किसान ल 1500 करोड़ रूपिया के दूसरइया किश्त के राशि के ऑनलाईन अंतरण करे जाही। ये मउका म मुख्यमंत्री श्री भूपेश बघेल ह तेंदूपत्ता संग्राहक मनला 2018 के प्रोत्साहन पारिश्रमिक के रूप म 232.81 करोड़ के राशि उंकर खाता म अंतरित करही संग म गोधन न्याय योजना के तहत गोबर विक्रेता मनके गोबर के राशि के तको अंतरण करही।
छत्तीसगढ़ सरकार के राजीव गांधी किसान न्याय योजना के तहत प्रदेश के 19 लाख किसान मनला 750 करोड़ के अनुदान सहायता राशि देही। जेमा पहिली किश्त के राशि राजीव गांधी जी के शहादत दिवस 21 मई के मिलगे हावय। अऊ प्रदेश के 114 विकासखण्ड तेंदूपत्ता संग्रहण 2018 सीजन म 728 समिति के 11 लाख 46 हजार 626 तेंदूपत्ता संग्राहक मनला 232 करोड़ 81 लाख रूपिया के प्रोत्साहन पारिश्रमिक के राशि वितरित करे जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।