छत्तीसगढ़ म धान खरीदी खातिर पंजीयन 17 अगस्त ले 31 अक्टूबर तक चलही

रायपुर.13। छत्तीसगढ़ म समर्थन मूल्य म धान खरीदी करे खातिर सरकार ह किसान मनके पंजीयन एसो 17 अगस्त ले सुरू करइया हाबे। जेन ह अवइया 31 अक्टूबर तक चलही अइसे आरो मिल हाबे। 

जेन किसान मन पाछु बछर समर्थन मूल्य म सोसयटी के माध्यम ले धान बेचे रिहिसे ओकर मनके फेर ले पंजीयन के जरूरत नइ परय। सोसायटी ले जुन्ना किसान मनके डेटा ल अपडेट करे जावत हाबे।