हाथकरघा, ग्रामोद्योग के सुघ्घर-सुघ्घर घरेलू कपड़ा अब ऑनलाइन उपलब्ध : मंत्री गुरु रूद्रकुमार

रायपुर.13। छत्तीसगढ़ सरकार के मंशा के मुताबिक ग्रामोद्योग ल बढ़ावा दे अउ जन-जन तक पहुंचाये खातिर विभाग डहर ले बने उदीम करे जावथे। ग्रामोद्योग मंत्री गुरु रूद्रकुमार ह ग्रामोद्योग के आकर्षक अउ किफायती घरेलू परिधान ल ऑनलाइन तको उपलब्ध कराये के निर्देश अधिकारी मनला दे हावय। कोरोना संक्रमण के सेती आये बाजार म मंदी के स्थिति अउ ई-कॉमर्स म बढ़त रुझान ल देखत ओमन किहिन के हाथकरघा ले बने कपड़ा ल लोगन मन बने पसंद करत हाबे अउ उंकर रुचि मुताबिक मांग म तैयार करके किफायती दर म ऑनलाइन उपलब्ध कराना सुनिश्चित करव।

जानबा होवय के कोरोना राई के बखत मंत्री गुरु रूद्रकुमार के निर्देश म विभाग डहर ले मास्क तैयार करके गजब मात्रा म बाजार अउ आन विभाग ल आपूर्ति करे गिस। विभागीय अधिकारी मनले मिले आरो के मुताबिक राजधानी के जयस्तंभ चौक के बिलासा एम्पोरियम म आकर्षक घरेलू परिधान के विशाल रेंज उपलब्ध हावय। जिहां लोगन के पसंद के मुताबिक घर म उपयोग वाला कपड़ा पजामा, ट्रेक पैंट, हाफ पेंट, कुर्ता हावय। सिंपल कटिंग अउ डिजाइनिंग वाला ये कपड़ा के रखरखाव अउ किफायती होवे के सेती राजधानीवासी मनके आकर्षण के केन्द्र बनत हावय।