मंत्रालय परिसर म गांधी प्रतिमा के अनावरण करही 2 अक्टूबर के मुख्यमंत्री श्री बघेल

अंजोर.रायपुर,30। मुख्यमंत्री भूपेश बघेल ह 2 अक्टूबर के मंत्रालय महानदी परिसर म महात्मा गांधी के प्रतिमा के वीडियो कान्फेंसिंग के जरिए अनावरण करही। संस्कृति मंत्री अमरजीत भगत ह आज मंत्रालय महानदी भवन परिसर म प्रतिमा स्थल के अवलोकन किरिस अउ अधिकारी मनला आवश्यक निर्देश दिस। श्री भगत ह मंत्रालय म आज आयोजित विभागीय समीक्षा बैठक म अधिकारी मनला छत्तीसगढ़ विधानसभा के तर्ज म मंत्रालय महानदी भवन परिसर म महात्मा गांधी के प्रतिमा लगाये के तैयारी पूरा करे निर्देश दिस। श्री भगत ह कहिन के प्रतिमा के अनावरण 2 अक्टूबर के गांधी जयंती के अवसर म होना निश्चित करे गे हावय। बइठका म म संस्कृति विभाग के सचिव अन्बलगन पी., संचालक अमृत विकास तोपनो सहित आन अधिकारी मौजूद रिहिन।