अंजोर.रायपुर,20। कलेक्टर डॉ. एस. भारतीदासन ह रायपुर जिला म कोरोना वायरस के प्रसार के रोकथाम खातिर 22 ले 28 सितंबर तक जिला ल कंटेनमेंट जोन घोषित करे हावय। अइसन म लोगन घर म राशन जमा करे खातिर बाजार निकलिस त कतकोन दुकान वाले मन आगर कीमत म सामान बेचत रिहिसे। अइसन मउका म देखरेख खातिर खाद्य निरीक्षक मनके नेतृत्व म एक दल बनाये गे हावय। जेन ह आवश्यक वस्तु के कालाबाजारी या जादा कीमत म बेचही उंकर दुकान ल सील करत आपराधिक कृत्य खातिर कड़ा कार्यवाही करे बर निर्देशित करही। इही कड़ी म खाद्य अधिकारी अनुराग भदौरिया कोति ले एजेंसी ल मिले आरो के मुताबिक आज खाद्य, नापतौल विभाग के दल ह राशन अउ किराना के 53 दुकान के निरीक्षण करिन जेमा तीन दुकान उपर जादा कीमत म सामान बेचे से विधिक प्रकरण दर्ज करे गिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।