राजनांदगांव.16। जेईई मेन्स म सफल होवइया 21 विद्यार्थी मन जिला के मान बढ़ाये हाबे, अऊ इही बात म कलेक्टर श्री वर्मा दिस ओमन ल बधाई अउ शुभकामना दे हाबे। सहायक आयुक्त, आदिवासी विकास एम.एल. देशलहरे कोति ले एजेंसी ले मिले आरो के मुताबिक आदिवासी अंचल अंबागढ़ चौकी, मोहला, मानपुर के 7 विद्यार्थी एकलव्य आदिवासी आदर्श आवासीय विद्यालय पेन्ड्री राजनांदगांव ले कक्षा 12वीं उत्तीर्ण करे हाबे। अउ साल 2020 म जे.ई.ई. मेन्स के परीक्षा म पास होहे। जेमा मनेश्वर लाल उर्वशा ग्राम कंगलूटोला विकासखंड मोहला, लक्ष्मेन्द्र सिंह ग्राम नवागांव विकासखंड मोहला, दिग्विजय ग्राम पुर्रामटोला विकासखंड छुरिया, कमलनारायण ग्राम हितकसा विकासखंड चौकी, पुष्पेन्द्र ग्राम तिलईरवार विकासखंड डोंगरगांव, डिलेश्वर ग्राम कैसोखैरी विकासखंड राजनांदगांव, पोषण कुमार आर्य ग्राम सरखेड़ा विकासखंड मानपुर ह जेईई 2020 मेन्स के परीक्षा म सफल होए हाबे।
अइसने आदिम जाति अउ अनुसूचित जाति विद्यार्थी उत्कर्ष योजनान्तर्गत सेन्ट विसेन्ट पोलेटी डोंगरगढ़ ले 3 विद्यार्थी भूविशा ठाकुर, सत्यम मौर्य, बलजीत कुमार अउ दिल्ली पब्लिक स्कूल राजनांदगांव ले 5 विद्यार्थी सुधांशु साय पैकरा, लिवेश राज धुर्वे, मुकेश सिरदार, राहुल सिंह, जानवी धुर्वे अउ युगांतर पब्लिक स्कूल राजनांदगांव ले 6 विद्यार्थी जे.ई.ई. मेन्स परीक्षा पास करे हाबे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।