उत्तरप्रदेश म स्थापित होही 'मॉडर्न फिल्म सिटी' अउ 'इंफोटेनमेंट जोन', मुख्यमंत्री योगी आदित्यनाथ के फिल्म जगत के महानुभव के संग वार्ता

अंजोर.यूपी,22। उत्तरप्रदेश के मुख्यमंत्री श्री योगी आदित्यनाथ ह फि‍ल्म सिटी के निर्माण के घोसना के बाद ओमा काम करना तको सुरू कर दे हाबे। इही कड़ी म आज ओमन फिल्म जगत के बड़े महानुभव मन संग वार्ता रखे रिहिन। ये मउका म ओमन उत्तर प्रदेश के आबादी अउ सीमा ले लगे राज्य के संग प्रदेश के गौरवशाली इतिहास के बखान करत फिल्म सिटी के जगह के प्रजेंटेशन तको देखाइन। 

आगू होमन किहिन के फिल्म समाज के दर्पण आए। फिल्म ह हमर संस्कृति ल विश्व जगत ल परिचित कराये हाबे। प्रदेश म फिल्म निर्माण ल बढ़ावा दे अउ स्थानीय प्रतिभा ल विशेष अवसर उपलब्ध कराये के उद्देश्य ले यूपी म 'मॉडर्न फिल्म सिटी' अउ 'इंफोटेनमेंट जोन' के स्थापना होही। गंगा, जमुना, अयोध्याम अउ प्रभु श्री राम श्री कृष्ण, भगवान बुद्ध, कबीर अउ महावीर जी के धरती उ.प्र. ल अपन परंपरा के अनुरूप वैश्विक सिनेमा के जरूरत के अनुसार दिव्य-भव्य, 'पूर्ण फिल्म सिटी' का उपहार देबो।