प्राथमिक स्वास्थ्य केंद्र अकलाडोंगरी के आकस्मिक निरीक्षण करिन जिला कलेक्टर श्री मौर्य

अंजोर.धमतरी,09। धमतरी जिला कलेक्टर जयप्रकाश मौर्य ह आज डूबान क्षेत्र के ग्राम पंचायत चिखली म आयोजित राजस्व विभाग के शिविर म सामिल होइन ये मउका म ओमन प्राथमिक स्वास्थ्य केंद्र अकलाडोंगरी के आकस्मिक निरीक्षण तको करिन। केंद्र के स्टाफ ले उपचार के उपलब्ध आवश्यक औषधि के उपलब्धता, भंडारण अउ ओपीडी म अवइया मरीज मनके औसत संख्या अउ कोविड-19 के तइयारी के आरो लिस। संग म बाह्य रोगी अउ अतः रोगी कक्ष, औषधि भंडारण कक्ष, ड्रेसिंग रूम, स्टाफ रूम, प्रसूति कक्ष के निरीक्षण करत संधारित पंजी मनके जांच करत कलेक्टर ह अस्पताल परिसर म स्वच्छता बरते, कोविड ल देखत मास्क, सेनिटाइजर के इस्तेमाल करे के निर्देश स्वास्थ्य अधिकारी मनला दिस।