अंजोर.रायपुर,08। कोरोना काल म शासन के निर्देश म बाद भी कतकोन मन शहर म बिना मास्क अउ सोशल डिस्टेंसिंग के उलंघन करत हाबे। अइसन लोगन मनके चेत चघाये बर खुदे जिला कलेक्टर डॉ. एस भारतीदासन ह रायपुर नगर निगम क्षेत्र के कई बस्ती के औचक निरीक्षण करिन। लोगन ल समझाइस के संग जबर कार्यवाही तको करिन हाबे। ये मउका म ओमन चंगोराभाठा के राशन दुकान म सोशल डिस्टेंसिंग के पालन नइ करे अउ संबंधित क्षेत्र के फूड इंस्पेक्टर अउ सहकारी खाद्यान्न वितरण केंद्र के सेल्समैन ल निलंबित करे के आदेश दे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।