अंजोर.रायपुर,09। उच्च शिक्षा विभाग ह वीडियो कॉन्फंरेसिंग के जरिये सबो विश्वविद्यालय के कुलपति अउ विद्यालय के प्राचार्य मनले कॉलेज म प्रवेश, ऑनलाइन क्लास, परीक्षा परिणाम अउ पाठ्यक्रम के संबंध म गोठबात करिन हाबे। ये मउका म कुलपति मनला बेरा म परीक्षा परिणाम जारी करे अउ शिक्षा गुणवत्ता म विशेष ध्यान दे ल केहे हाबे।
चर्चा म किहिन के 22 अक्टूबर तक कॉलेज म प्रवेश चलही, कोनो सीट खाली नी रहना चाही, बालिका शिक्षा ल बढ़ावा देना प्राथमिकता होही। आगू स्नातक स्तर म पाठ्यक्रम ल कम करे खातिर समिति गठित करे गिस। अउ कोरोना महामारी के कारण कॉलेज म पढ़ाई खातिर ऑनलाइन क्लास के व्यवस्था करे जाही। एक नवम्बर ले अनिवार्य रूप ले क्लास सुरू हो जही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।