पूर्व केंद्रीय मंत्री रामविलास पासवान अब नइ रिहिन, मुख्यमंत्री बघेल संग अऊ बड़का नेता दिस श्रद्धांजलि

अंजोर.रायपुर,08। केंद्रीय मंत्री रामविलास पासवान अब दुनिया म नइ रिहिन। गजब दिन ले बीमार श्री पासवान के बीते के आरो उंकर परिजन कोति ले एजेंसी ल मिले हावय। 74 वर्षीय रामविलास पासवान पाछु कुछ दिन ले दिल्ली के अस्पताल म भर्ती रिहिन। रामविलास पासवान भारतीय दलित राजनीति के प्रमुख नेता म एक रिहिन। ओमन लोक जनशक्ति पार्टी के अध्यक्ष अउ राष्ट्रीय जनतांत्रिक गठबंधन के सरकार म केन्द्रीय मंत्री तो रेहे हावय। 

सोलहवीं लोकसभा म बिहार के हाजीपुर लोकसभा क्षेत्र के प्रतिनिधित्व करत ओमन केन्द्रीय खाद्य, आपूर्ति मंत्रालय के जिम्माप संभा‍ले रिहिन। 5 जुलाई 1946 के खगड़िया, बिहार म जन्में रामविलास पासवान के आज 8 अक्टूबर 2020 के निधन होगे। ये मउका म राष्ट्रपति, प्रधानमंत्री अऊ सबो बड़का नेता मन संग छत्तीसगढ़ के मुख्यमंत्री भूपेश बघेल तको सोशन मीडिया के माध्यम ले अपन दुख प्रकट करत, श्रद्धांजलि दे हावय।