अंजोर.रायपुर,09। छत्तीसगढ़ शासन के संस्कृति विभाग कोति ले स्थापित तीन बड़का सम्मान खातिर योग्य व्यक्ति/संस्था ले प्रविष्टि या अनुसंशा मंगाये गे हावय। विभाग कोति ले मिले आरो म संगीत कला के क्षेत्र म दे जाने वाला चक्रधर सम्मान, छत्तीसगढ़ी लोक कला के क्षेत्र म दे जाने वाला दाऊ मंदराजी सम्मान अउ आंचलिक साहित्य के क्षेत्र म दे जाने वाला पं. सुंदरलाल शर्मा सम्मान खातिर एसो आवेदन मेल के माध्यम ले 18 अक्टूबर तक मंगाये गे हावय। आवेदन म यहू करार हावय के आवेदक के जानकारी 10 एमबी फाईल, पीडीएफ म फोटो सहित कुल 20 पन्नाा म ही स्वीकारे जाही। अऊ जादा जानकारी विभाग के वेबसाइट ले मिलही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।