छत्तीसगढ़ के चाय बागान अउ बांस उद्योग ल मिलही असम के विशेषज्ञता के लाभ

अंजोर.रायपुर। मुख्यमंत्री भूपेश बघेल ह असम के अपन दौरा म जोरहाट, असम के उद्योगपति के प्रतिनिधिमंडल ले मुलाकात करिन। ये मउका म ओमन छत्तीसगढ़ के विशेषता के संग इहां चाय के खेती अउ बांस, लघु वनोपज आधारित उद्योग के संभावना के बारे म विस्तार ले बताइन। चर्चा म ओमन उद्योगपति मनला छत्तीसगढ़ म चाय अउ बांस उद्योग लगाये के खातिर नेवता तको दिस। 

मुख्यमंत्री श्री बघेल ह असम के उद्योगपति मनला बताइन के छत्तीसगढ़ म उद्योग हितैषी वातारण हावय। राज्य म उद्योग ल नवा सहुलियत दे खातिर उद्योगपति ले चर्चा करके नवा उद्योग नीति बनाये हाबे। आगू मुख्यमंत्री बघेल ह किहिन के छत्तीसगढ़ म लघुवनोपज के साथ ही बागवानी फसल के खातिर अच्छा संभावना हाबे। 

मुख्यमंत्री ह किहिन के छत्तीसगढ म लघुवनोपज, धान उत्पादन, गन्ने के फसल, फल अउ बागवानी फसल के संग जशपुर जिला के मौसम चाय के खेती के खातिर अनुकूल हावय, इहां के मौसम के अनुकूल उहां चाय के बागान ल प्रोमोट करे जात हावय। छत्तीसगढ़ के कई अंचल म टमाटर के बड़े पैमाना फसल ले जाथे, जिहा ले टमाटर पाकिस्तान तक तको जाथे। बांस शिल्प ल बाजार उपलब्ध कराये अउ समय के अनुरूप वेल्यू एडिशन के खातिर तको प्रोत्साहित करे जात हावय।