भारतीय रिजर्व बैंक कोति ले आयोजित वित्तीय साक्षरता सप्ताह के सुरूआत करिन मंत्री डॉ. टेकाम

अंजोर.रायपुर। स्कूल शिक्षा अउ सहकारिता मंत्री डॉ.प्रेमसाय सिंह टेकाम ह राजधानी रायपुर म भारतीय रिजर्व बैंक कोति ले आयोजित वित्तीय साक्षरता सप्ताह के सुरूआत करिन। बैंक संस्था के प्रमुख मनला सम्बोधित करत ओमन किहिन के कृषि राज्य के अर्थव्यवस्था के रीढ़ हावय। 

कृषि ल मजबूत बनाये के खातिर कृषि के क्षेत्र म वित्त के प्रवाह ल अउ बढ़ाना होही। कृषि क्षेत्र म वित्तीय निवेशन ल बढ़ाये खातिर किसान ल बैंकिंग प्रणाली के प्रति जागरूक करना होही। डॉ.टेकाम ह किहिन के वित्तीय साक्षरता सप्ताह (8 ले 12 फरवरी) के दौरान लोगन ल ऋण ले, ओकर समय म भुगतान करे, ऋण कहां ले लिये जाए, डिजिटल बैंकिंग प्रणाली के जानकारी के साथ ही सावधानी के जानकारी तको दे जाए। ये मउका म ओमन वित्तीय साक्षरता सप्ताह के जागरूकता के खातिर प्रचार सामग्री, पोस्टर अउ ऑडियो-वीडियो के विमोचन तको करिन। कार्यक्रम म सचिव कृषि अमृत खलखो, संयुक्त सचिव वित्त श्रीमती शारदा वर्मा, भारतीय रिजर्व बैंक के क्षेत्रीय निदेशक श्रीमती ए.शिवगामी, नाबार्ड के चीफ जनरल मैनेजर एम.सोरेन ह तको रिहिन।