राजधानी म बनत ओव्हर ब्रिज अउ अंडर ब्रिज के जायजा लिस लोक निर्माण मंत्री

अंजोर.रायपुर। लोक निर्माण मंत्री ताम्रध्वज साहू ह राजधानी रायपुर म बनत अंडर ब्रिज अउ ओव्हर ब्रिज के प्रगति के जायजा लिस। ये मउका म ओमन गुणवत्ता के संग करार बखत म पूरा करे निर्देश विभागीय अधिकारी अउ निर्माण एजेंसी ल दीस। मंत्री श्री साहू ह किहिन के हरेक 15 दिन म कार्य के गुणवत्ता के आंकलन अउ कार्य के प्रगति प्रतिवेदन प्रस्तुत होना चाही।

लोक निर्माण मंत्री ह फाफाडीह, तेलघानी नाका अउ लालपुर ओव्हर ब्रिज के अवलोकन करिन अउ वर्क ऑर्डर, कार्य प्रारंभ, समय-सीमा म वृद्धि अउ सबलेट ले संबंधित विवरण प्रस्तुत करे अउ साइड म टेंडर डाक्यूमेंट के पालन करे के निर्देश दिस। ये मउका म संसदीय सचिव विकास उपाध्याय, राज्य गृह निर्माण मंण्डल के अध्यक्ष कुलदीप जुनेजा, प्रमुख अभियंता व्ही. के. भतपहरी सहित विभागीय अधिकारी अउ निर्माण एजेंसी के अधिकारी उपस्थित रिहिन।