कोरोना के लक्षण वाले मरीज ल मितानिन मनके जरिए 10 हजार किट वितरित

अंजोर.धमतरी। जिला म कोविड-19 के बढ़त संक्रमण ल देखत कलेक्टर जयप्रकाश मौर्य के निर्देश म स्वास्थ्य विभाग डहर ले कोरोना के लक्षणात्मक अउ धनात्मक मरीज मन ल अब तक 10 हजार किट मितानिन के माध्यम ले वितरित करे जा चुके हावयं। मुख्य चिकित्सा अउ स्वास्थ्य अधिकारी ह बताइन के कलेक्टर के निर्देश के मुताबिक जिला के 1800 मितानिन मन के डहर ले घर घर सर्वे करके कोरोना के लाक्षणिक मरीज मन ल अब तक 10 हजार ले जादा औषधि किट वितरित करे जा चुके हावयं।

ओमन बताइन के कोविड-19 के संक्रमण के रोकथाम अउ रोकथाम के खातिर कलेक्टर के निर्देश के मुताबिक मितानिन मन के डहर ले घर-घर जाके लक्षण वाले मरीज मन के चिन्हांकन करे के बाद पांच रकम के दवाई के किट मरीज मन अउ उंकर परिजन ल उचित सलाह देके दे जात हावय। 

मितानिन पेटी म औषधि किट के तौर म आइवरमेक्टिन, डॉक्सीसाइक्लिन, पैरासिटामॉल, जिंक अउ विटामिन सी के दवाइयां मरीज मन ज दे जात हावयं। सी.एम.एच.ओ. ह बताइन के जिला म स्थित उप स्वास्थ्य केन्द्र, प्राथमिक स्वास्थ्य केन्द्र अउ सामुदायिक स्वास्थ्य केन्द्र म पहिली ही ये दवा उपलब्ध कराये गे हावयं, फेर गांव स्तर म येकर सुलभ उपलब्धता सुनिश्चित करे के खातिर ये दवाल मितानिन पेटी म शामिल करे गे हावय, संग ही खाये के सही मात्रा अउ समय के जानकारी दे के खातिर पहिली म ओला सरलग प्रशिक्षण भी दे गे रिहिस। येकर अलावा औषधि मनके उपयोग के खातिर गांव वाले ल पैम्फलेट भी बांटे गे हावय। ओमन ये भी बताइन के आगू भी ये दवा के वितरण जारी रइही, जेकर से मरीज मन के शीघ्रता ले चिन्हांकन करके उंकर उपचार समय रहते करे जा सके अउ संक्रमण के दायरे ल न्यूनतम करे जा सके। संग ही मोबाइल वैन म भी ये दवा किट ल रखके मरीज अउ उंकर परिजन ल दे जात हावय। 

ओमन बताइन के लगभग 3800 औषधि किट नगरी विकासखण्ड म, 3500 के लगभग कुरूद म, मगरलोड म लगभग 2000 अउ धमतरी ग्रामीण (सीएचसी गुजरा) के तहत लगभग 1200 औषधि किट अब तक प्रदाय करे जा चुके हावयं। कई बार सैम्पल के रिपोर्ट आये म देरी हो जात हावय, जेकर सेती ले मरीज मन के उपचार शुरू करे म देर नइ हो, ये खातिर लक्षणयुक्त लोगन ल भी ये दवा प्राथमिकता ले दे जात हावय। प्रमुख रूप ले अइसे धनात्मक मरीज मन ल जेन आइसोलेशन सेंटर या होम आइसोलेशन म रिहिन हावय, ओला दे जात हावय तात्कालिक तौर म ये दवा फोकट म दे जात हावय।