अंजोर.बलोदाबाजार। रात के बखत गांव मन म पासत चोरहा ल पलारी पुलिस ह चोरी के बाद पकड़े हावय। मिले आरो के मुताबिक सालिक राम यादव साकिन टिपावन डहर ले रिपोर्ट दर्ज कराये गे रिहिस के रात के घर परछी म रखे कंप्यूटर सिस्टम, LED TV, VIVO 420 कंपनी के मोबाईल जुमला किमती 19000 रूपिया के के कोनो अज्ञात चोर चोरी करके लेगे हावय। रिपोर्ट म अज्ञात आरोपी के विरूद्ध अपराध क्रमांक 140/2021 धारा 457,380,34 भादवि. पंजीबद्ध करके विवेचना म लिये गिस।
मामला के गंभीरता ल देखत वरिष्ठ अधिकारी मन के मार्गदर्शन म विवेचना सुरू करे गिस संदेही मुकेश अवधेलिया पिता घिसल अवधेलिया उमर 22 साल साकिन टिपावन थाना पलारी के पुलिस अभिरक्षा म लेके पूछताछ करे गिस जेन अपन संगी 1. ओमप्रकाश बांधे पिता साधराम बांधे उमर 32 साल 02. प्रशांत मनहरे पिता अशोक मनहरे उमर 23 साल 03. शत्रुहन टंडन पिता तिजउ राम टंडन उमर 23 साल साकिनान टिपावन के संग मिलके चोरी करे के योजना बनाये अउ योजनाबद्ध तरीका ले प्रार्थी के घर परछी म रखे समान के चोरी करे रिहिस। चोरी गे कंप्यूटर सिस्टम, LED TV, VIVO 420 कंपनी के मोबाईल बरामद कर ले गे हावय अउ आरोपी मनला गिरफ्तार करके न्यायिक रिमांड बर माननीय न्यायालय पेश करे गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।