केंद्र अउ राज्य मिलके नक्सल हिंसा के मुकाबला करबो अउ जीतबो : मुख्यमंत्री भूपेश बघेल

अंजोर.रायपुर। केंद्रीय गृह मंत्री अमित शाह ह आज मुख्यमंत्री भूपेश बघेल ले फोन करके उंकर ले बीजापुर म होए नक्सली घटना के संबंध म विस्तृत चर्चा करिन। मुख्यमंत्री भूपेश बघेल ह केंद्रीय गृह मंत्री के बीजापुर म राज्य अउ केंद्र के सुरक्षा बल अउ नक्सली मनके बीच होए मुठभेड़ के मैदानी स्थिति ले अवगत कराइन। मुख्यमंत्री ह किहिन के मुठभेड़ म सुरक्षा बल ल होए क्षति दुखद हावय। फेर सुरक्षा बल के हौंसला बुलंद हावय अउ नक्सली हिंसा के विरुद्ध ये लड़ाई हमी  जीतबो। 

केंद्रीय गृह मंत्री श्री शाह ह मुख्यमंत्री ले किहिन के केंद्र सरकार अउ राज्य सरकार मिलके ए लड़ाई के जरूर जीतबो। ओमन किहिन के केंद्र सरकार के तरफ ले जेन भी जरूरी मदद होही वो राज्य सरकार ल दे जाही। ओमन सीआरपीएफ के महानिदेशक ल घटना जगह म जाये के निर्देश दे हावय। मुख्यमंत्री श्री बघेल ह किहिन के नक्सल हिंसा ले प्रभावित क्षेत्र म होत लगातार विकास बुता ले गांव वाले के नक्सली मनले मोह भंग होगे हावय अउ वे लगातार विकास के मुख्यधारा ले जुड़त रिहिन हावय। 

स्वास्थ्य, शिक्षा अउ आन सुविधा अंदरूनी गांव तक सुलभ हो हवय अउ नक्सली विचारधारा ले लोगन विमुख होत हावय। येकर ले बौखला के नक्सली ए रकम के हमले करके अपन उपस्थिति दर्ज कराये के कोशिश करत हावय। राज्य सरकार न येकर ले डरने वाला हावय अउ नइ अपन विकास बुता ल हर गांव तक पहुंचाने के संकल्प ले डिगने वाला हावय।