शहीद जवान मनला श्रद्धांजलि दीस केंद्रीय गृहमंत्री अमित शाह अउ मुख्यमंत्री भूपेश बघेल

अंजोर.रायपुर। केंद्रीय गृह मंत्री अमित शाह अउ मुख्यमंत्री भूपेश बघेल ह आज जगदलपुर पुलिस लाईन म बीजापुर नक्सली घटना म शहीद होए जवान मनला नम आंखी ले श्रद्धांजलि दीस। ए मउका म भारत सरकार के वरिष्ठ सुरक्षा सलाहकार के. विजय कुमार, केन्द्रीय गृह सचिव ए.के. भल्ला, छत्तीसगढ़ के पुलिस महानिदेशक डी.एम.अवस्थी, सीआरपीएफ के डायरेक्टर जनरल कुलदीप सिंह, डायरेक्टर आईबी अरविंद कुमार, छत्तीसगढ़ के विशेष पुलिस महानिदेशक नक्सल ऑपरेशन अशोक जुनेजा, उपस्थित रिहिस।

ये मउका म केंद्रीय गृह मंत्री श्री शाह अउ मुख्यमंत्री श्री बघेल ह आज जगदलपुर म केंद्रीय सुरक्षा बल, प्रशासनिक अउ पुलिस अधिकारी मन के बइठक तको लीस। बइठक म ओमन स्थिति के समीक्षा करिस अउ जरूरी दिशानिर्देश दिस।