कॉलेज म परीक्षा ऑनलाइन पद्धति ले होही, उच्च शिक्षा विभाग ह जारी करिस दिशानिर्देश

अंजोर.रायपुर, 22 अप्रैल 2021। मुख्यमंत्री दाऊ भूपेश बघेल के दिशानिर्देश म कोविड-19 के महामारी के संक्रमण ल देखत उच्च शिक्षा विभाग छत्तीसगढ़ डहर ले प्रदेश के राजकीय अउ निजी विश्वविद्यालय मन म शिक्षा सत्र 2020-21 के कोनो भी परीक्षा आगामी आदेश तक ऑफ-लाईन पद्धति ले आयोजित नइ करे के आदेश दे गे हावय। आदेश म स्पष्ट करे गे हावय के सबो परीक्षा ऑनलाईन /ब्लैण्डेंड मोड म ही आयोजित करे जाएं।

कोरोना काल म एक कोति जिहां स्कूल के सबो परीक्षा निरस्त होगे, पहिली ले आठवी अउ नवमी, ग्यारहवीं के लइका अगला कक्षा म प्रमोट होगे। दूसर कोति ले 10वीं अउ 12 वीं के परीक्षा तको नइ हो पावत हाबे, अब अइसे म का कॉलेज के परीक्षा हो पाही इहू बात बहुत गंभीर हावय। फिलहाल अवइया आदेश तक तो परीक्षा आफलाइन नइ करे के आदेश जारी होगे हावय, देखव अवइया बेरा का किथे।