अंजोर.रायपुर, 25 अप्रैल 2021। कोरोना महामारी के संकट के ए काल म छत्तीसगढ़ म उत्पादित मेडिकल ऑक्सिजन आन राज्य मनके कोरोना पीड़ित के खातिर संजीवनी के काम करत हावय। एजेंसी कोति ले मिले आरो के मुताबिक मुख्यमंत्री भूपेश बघेल के दिशानिर्देश म कोविड संक्रमण के समय न केवल छत्तीसगढ़ म मेडिकल आक्सीजन के पर्याप्त आपूर्ति सुनिश्चित करे हावय, बल्कि छत्तीसगढ़ म स्थानीय उपभोग के अतिरिक्त बांचे मेडिकल आक्सीजन ल आन जरूरतमंद राज्य मनला आपूर्ति करे हावय।
जानबा होवय के 11 ले 24 अप्रैल तक छत्तीसगढ़ ले 2706.95 मेट्रिक टन आक्सीजन के आन राज्य ल आपुर्ति करके जरूरतमंद राज्य ल मदद पहुंचाये गे हावय। 11 ले 24 अप्रैल तक छत्तीसगढ़ ले कर्नाटक ल 16.82 मेट्रिक टन, आंध्रप्रदेश ल 176.69 मेट्रिक टन, मध्यप्रदेश ल 801.22 मेट्रिक टन, गुजरात ल 120.42 मेट्रिक टन, तेलंगाना ल 578 मेट्रिक टन अउ महाराष्ट्र ल 1013.8 मेट्रिक टन मेडिकल आक्सीजन के आपूर्ति करे गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।