अंजोर.बीजापुर। बीजापुर मुठभेड़ म घायल सुरक्षा बल के जवान मनके आरो ले खातिर आज प्रदेश के राजस्व, पुनर्वास आपदा प्रबंधन मंत्री अउ प्रभारी मंत्री जयसिंह अग्रवाल ह जिला अस्पताल बीजापुर म भरती घायल जवान मनले भेंट करके उंकर स्वास्थ के बारे म कुशलक्षेम पूछिस। ए बखत ओमन जिला पुलिस के डीआरजी बल के सहायक उप निरीक्षक आनंद कुरसम अउ प्रकाश चेटटी सहित आन घायल जवान अउ सीआरपीएफ के घायल जवान ले चर्चा करके घटना के संबंध म जानकारी लीस अउ नक्सली मनले अदम्य साहस के संग मुकाबला करे के खातिर उंकर मनोबल बढ़ाइन।
प्रभारी मंत्री श्री अग्रवाल ह चिकित्सक मनले भी घायल जवान मनके उपचार के बारे म विस्तार ले चर्चा करके ओला बेहतर चिकित्सा सुविधा उपलब्ध कराये के निर्देश दिस। ए बखत स्थानीय विधायक अउ उपाध्यक्ष बस्तर विकास प्राधिकरण विक्रम शाह मंडावी, जिला पंचायत अध्यक्ष शंकर कुडियम सहित आन जनप्रतिनिधी अउ डीआईजी नक्सल आपरेशन ओपी पाल, कलेक्टर रितेश कुमार अग्रवाल, डीएफओ अशोक पटेल, सीईओ जिला पंचायत रवि कुमार साहू, एसडीएम बीजापुर देवेश ध्रुव, अपर पुलिस अधीक्षक पंकज शुक्ला अउ जिला प्रशासन के आन अधिकारी मौजूद रिहिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।