अधिकारी-कर्मचारी मनके अप्रैल महीना के सिरिफ एक दिन वेतन मुख्यमंत्री राहत कोष म, बाकी लॉकडाउन के झोकही पूरा पगार

अंजोर.रायपुर, 23 अप्रैल 2021। कोविड-19 ले प्रभावित प्रदेश के जरूरतमंद लोगन के सहायता के खातिर मुख्यमंत्री राहत कोष म स्वेच्छा ले योगदान के खातिर अधिकारी-कर्मचारी मन के चालू महीना अप्रैल के वेतन ले एक दिन के रकम कटौती के संबंध म वित्त विभाग डहर ले दिशा-निर्देश जारी करे गे हावय। मिले आरो के मुताबिक वित्त विभाग डहर ले 22 अप्रैल के मंत्रालय ले सबो अपर मुख्य सचिव, प्रमुख सचिव, सचिव, अध्यक्ष राजस्व मण्डल, विभागाध्यक्ष, बजट रोकथाम अधिकारी, सबो कार्यालय प्रमुख, आहरण संवितरण अधिकारी अउ कोषालय अधिकारी मन के परिपत्र जारी करे गे हावय।  

परिपत्र म किहिन गे हावय के मुख्यमंत्री डहर ले कोविड-19 ले प्रभावित प्रदेश के जरूरतमंद लोगन के सहायता के खातिर 13 अप्रैल 2021 के शासकीय अधिकारी-कर्मचारी ले मुख्यमंत्री सहायता कोष अंश दान दे के अपील करे हावय। येकर अनुक्रम म राज्य के आईएएस एसोसिएशन, राज्य प्रशासनिक सेवा के सदस्य, राजपत्रित अधिकारी संघ अउ आन आने-आने संगठन डहर ले अधिकारी-कर्मचारी के अप्रैल महीना के वेतन ले एक दिन के वतेन के कटौती करत मुख्यमंत्री सहायता कोष म जमा कराये के अनुरोध करे गे हावय।