कानन पेण्डारी जू म गर्मी ले जानवर मन ल राहत पहुंचाये जोखा

अंजोर.बिलासपुर। राज्य के वनमण्डल बिलासपुर के कानन पेण्डारी जूलॉजिकल गार्डन म ग्रीष्म ऋतु ज देखते वन्य जीव मनला प्राणी मनला राहत पहुंचाये के खातिर हर जरूरी प्रबंध करे गे हावय। ए संबंध म वनमण्डलाधिकारी बिलासपुर कुमार निशांत ह बताइन के सबो शाकाहारी जीव बर शेड के ऊपर हाथी घास, आवश्यकतानुसार ग्रीन नेट अउ सबो वन्यप्राणी के मोट म स्वच्छ पीये के पानी के व्वस्था करे गे हावय। इही रकम ले भालू, सियार, लोमड़ी, शुतुरमुर्ग, बायसन के मोट म स्वच्छ पानी अउ स्प्रींकलर के बेवस्थाश करे गे हावय। संग म मांसाहारी वन्यप्राणी के नाईट शेल्टर म कूलर, एक्जास्क अउ केज म स्प्रीकलर, क्राल म ग्रीन नेट अउ मोट म पानी के बेवस्थाी करे गे हावय। येकर अलावा पक्षी केज म खस के चटाई के बेवस्था करे जात हावय। कानन पेण्डारी जू म पुराना पाईप लाईन के दुरूस्तीकरण के बुता जारी हावय। जू म पानी के उपलब्धता के खातिर पुराना 10 बोर चालू अवस्था म हावय अउ दू नग नवा बोर करे गे हावय। जू के हिप्पोपोटामस केज म शावर के बेवस्थाू तको करे जात हावय।