छुट्टी के दिन तको अपन जिम्मेदारी निभावत हावय स्वास्थ्य विभाग के फ्रंटलाइन वर्कर्स

अंजोर.धमतरी। जिला के नगरी विकासखंड म कोविड के संक्रमण ले बचाव के खातिर 45 साल ले जादा उमर के लोगन ल टीकाकरण के लक्ष्य लगभग 100% के करीब हावय, फेर सांकरा सेक्टर के सघन वनआच्छादित क्षेत्र म अभी भी कुछ लक्षित जनसँख्या टीकाकरण ले वंचित हावयl एला धियान म रखत 30 अप्रैल तक लक्ष्य पूरा करे के उद्देश्य ले सेक्टर के स्वाथ्य कार्यकर्ता छुट्टी के दिन म भी नियमित रूप ले कोविड टीकाकरण करत हावय। इही कड़ी म आज सेक्टर सुपरवाइजर विजय शंकर के नेतृत्व म रिसगांव क्षेत्र के संवेदनशील गांव गादूलबाहरा, मासुलखोई जइसे घना वन क्षेत्र म आरएचओ नरेंद्र नेताम,  नरेश उइके ह स्थानीय सरपंच, मितानिन अउ सचिव के सहयोग ले लक्षित हितग्राही के टीकाकरण करे गिस। नगरी ब्लॉक के स्वास्थ्य कार्यकर्ता कोविड के संक्रमण की रोकथाम के खातिर सतत सेवा के खातिर समर्पित भाव ले सेवारत हावय।