बीजापुर नक्सली हमला म घायन जवान मन से मिलिस मंत्री टीएस सिंहदेव

अंजोर.रायपुर। बीजापुर म होए नक्सली मुठभेड़ म घायल जवान मनके बने इलाज खातिर सुरक्षा बल, डॉक्टर के टीम अउ अधिकारी मन जुटे हावय। प्रदेश के मुखिया अउ सबो मंत्री मन तको हमला के निंदा करत जवान मनके ईलाज बर जोर देवत आरो लेत हावय। आज प्रदेश के स्वास्थ्य मंत्री टीएस सिहदेव ह रामकृष्ण केयर अस्पताल पहुँचके नक्सली हमला म घायल होए जवान मनके कुशलक्षेम जानिस। ओमन चिकित्सक मनले मिलके उपचार संबंधित सबो आवश्यकता के जानकारी लीस अउ किहिन के छत्तीसगढ़ सरकार जवान मनके समुचित स्वास्थ्य सुविधा खातिर तत्पर हावय। ईश्वर घायल जवान मनला लघियात बने करही।