अंजोर. कबीरधाम। थाना चिल्फी अउ भोरमदेव पुलिस के बड़का योगदान अउ थाना कवर्धा म मिले आरो के मुताबिक पुलिस टीम कवर्धा बस स्टेंड पहुंच के दू संदिग्ध मनखे मन ले पुछताछ करिन। उंकर मन तिर रखे समान के तलाशी ले म उंकर कब्जा ले छोटे-छोटे मादक पदार्थ चरस के गोली मिलीस जेकर संबंध म पुलिस टीम डहर ले पुछताछ करे म उक्त मादक पदार्थ ल उड़ीसा राज्य ले जाके बिक्री करे के खातिर ग्राहक के तलाश करे जाना बताइन।
पुलिस के बताये मुताबिक दुनों मनखे मन 1. असीम मण्डल पिता कृष्णा मण्डल निवासी पदमागिरी एमव्ही 84 थाना अउ जिला मलकानगिरी 2. गुरू पुजारी पिता सुखदेख पुजारी निवासी गोविन्दपाली थाना भारथेली, जिला मलकानगिरी, उड़ीसा ल नारकोटिक एक्ट के धारा के तहत गिरफ्तार करके रिमांड म भेजा गे हावय। आरोपी मन तिर ले 600 ग्राम मादक पदार्थ चरस कीमती तीन लाख रूपिया के जप्ती तको करे गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।