एसी खोली म खुसरे-खुसरे तमासा देखइया अफसर मन बर मिसाल आए दंतेवाड़ा डीएसपी के बुता : दाऊ भूपेश बघेल

अंजोर.रायपुर, 20 अप्रैल 2021। प्रदेश म कोरोना संक्रमण के रोकथाम खातिर समाज के आने-आने वर्ग डहर ले कर्तव्यपरायणता के मिसाल प्रस्तुत करे जात हावय। मिले आरो के मुताबिक कोरोना काल म कर्तव्यपरायणता के एक अइसे ही मिसाल दंतेवाड़ा के डीएसपी श्रीमती शिल्पा साहू ह भी प्रस्तुत करे हावय। गर्भवती होए के बावजूद वो सड़क म उतर करके ड्यूटी करत हावयं। कोरोना काल के नियम तोड़इया मनला अपन टीम के संग समझाइश देत हावयं। मुख्यमंत्री भूपेश बघेल ह आज बस्तर संभाग म कोरोना संक्रमण के स्थिति के समीक्षा के बखत डीएसपी श्रीमती शिल्पा साहू के सराहना करत किहिन के ओमन कर्तव्यपरायणता के अनुकरणीय मिसाल समाज के सामने प्रस्तुत करे हावय। 

जानबा होवय के लाकडाउन के प्रभावी क्रियान्वयन के खातिर जिहां शासकीय अधिकारी-कर्मचारी मुस्तैदी के संग अपन दायित्व के निर्वहन करत हावयं, मरीज मन के अस्पताल पहुंचे, उंकर खातिर प्लाज्मा, दवा के इंतजाम कराये, ओला जरूरी जानकारी मुहैया कराये उक के खातिर समाजसेवी संस्था मन दिन रात काम करत हावयं। अइसे म कतकोन बड़का अधिकारी मन एसी खोली म खुसरे-खुसरे तमासा देखइया अफसर मन बर मिसाल आए दंतेवाड़ा डीएसपी के बुता। 

राज्य म कोरोना संक्रमण के रोकथाम के खातिर शासन डहर ले हर संभव उपाय करे जात हावयं। एमे मुख्यमंत्री भूपेश बघेल के अपील म शासन-प्रशासन के मुस्तैदी के संग आने-आने सामाजिक संगठन, उद्योग अउ व्यापार जगत के लोगन भी मदद के खातिर बढ़-चढ़कर आगू आत हावयं।