अंजोर.गरियाबंद 20 अप्रैल 2021। प्रदेश म रोज बड़ संख्या म कोरोना मरीज ठीक होत हावयं। मिले आरो के मुताबिक पाछु 18 अप्रैल के दिन ही 14 हजार 075 मरीज मन ह कोरोना ल मात दे हावय। तीन दिन म प्रदेश भर म 34 हजार 961 लोगन कोविड-19 ले उबर चुके हावयं। उहें गरियाबंद जिला म भी पाछु 4 दिन म 1 हजार 258 मरीज स्वस्थ होके अपन घर लहुटे हावयं। स्वास्थ्य विभाग ले मिले जानकारी के मुताबिक 19 अप्रेल के स्थिति म अभी कुल 10338 मरीज पॉजिटिव हावय, जबकि 6330 मरीज कुल डिस्चार्ज हो चुके हावयं वर्तमान म एक्टिव केस 3915 हावय।
जिला म वैक्सीनेशन के प्रक्रिया म भी तेजी आये हावय अभी तक कुल 73% वैक्सीनेशन पूरा हो चुके हावय। एमे हेल्थ वर्कर के 89%, 45 साल ले जादा उमर के 71% अउ फ्रंटलाइन वर्कर के 97% पहिली डोज़ के टीकाकरण पूरा हो चुके हावय। इही रकम ले 18 अप्रैल तक के स्थिति म कुल 1 लाख 23 हजार 688 सैंपल टेस्ट खातिर गे हावयं जेमा 9874 पॉजिटिव मिले हावयं जिला म 89 लोगन के मौत भी हो गे हावय। उहें रिकवरी दर 61% के दर ले लोगन डिस्चार्ज होए हावयं। जिला अस्पताल म 50 बिस्तर युक्त कोविड हॉस्पिटल संचालित हावय जेमा आठ ऑक्सीजन युक्त बिस्तर के सुविधा हावय। कोविड केयर सेंटर म 280 बिस्तर अस्पताल के तइयारी करे गे हावय। उहे सबोच विकासखंड म भी कोविड-19 सेंटर के स्थापना करे जात हावय। प्रशासन के अपील के बाद जनप्रतिनिधि, समाजसेवी अउ प्रबुद्ध नागरिक मन भी मदद के खातिर आगू आए हावयं।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।