अंजोर.गरियाबंद। गरियाबंद पुलिस ल अवैध गांजा परिवहन के संबंध म मुखबिर ले होए के बाद थाना प्रभारी छुरा के पुलिस टीम बनाके करवाई करे गिस। बताए गे मुखबीर के निशानदेही म थाना प्रभारी डहर ले एक लाल रंग के होण्डा स्टनर मोटर सायकल कमांक सीजी 06 जीबी 3007 म दू मनखे जेन उड़ीसा ले छुरा होत रायपुर तनि आत रिहिस जेकर संग एक बोरा भी रिहिस संदेह के आधार म तत्काल अनुविभागीय अधिकारी पुलिस ल सूचना दे गिस जेकर पहुंचे के बाद तलाशी ले म बोरा म 34 किलो 500 ग्राम मादक पदार्थ गांजा किमत 1 लाख 70 हजार बरामद करे गिस संग म दू मोबाइल अउ 300 नगद अउ मोटरसाइकिल जप्त करे कार्यवाही करे जात हावय।
मिले आरो के मुताबिक पुलिस महानिदेशक डी.एम. अवस्थी के दिशा निर्देश अउ पुलिस महानिरीक्षक रायपुर रेंज डॉ आनंद छाबड़ा के मार्गदर्शन म गरियाबंद पुलिस के सक्रियता के परिणाम स्वरूप अवैध तस्करी म लगातार कार्यवाही होत हावय। गरियाबंद क्षेत्र म होत अवैध रूप ले गांजा, हीरा, शराब, वन्य प्राणी के अवैध तस्करी ल रोके के खातिर गरियाबंद पुलिस कप्तान भोजराम पटेल के दिशा-निर्देश, अतिरिक्त पुलिस अधीक्षक सुखनंदन राठौर, संतोष महतो के मार्गदर्शन म विशेष अभियान चलाये जात हावय। अभियान म एक अऊ बड़का सफलता फेर मिली हावय जेमा उड़ीसा ले होत गांजा तस्कर गांजा लेके रायपुर कोति आत रिहिन हावय। जेमा 1. मनोज ईसाई पिता एम एस जार्ज उमर 52 साल गांव जिडार थाना पीपरछेड़ी जिला गरियाबंद। 2. योगेश तारक पिता मयाराम उमर 40 साल गांव हरदी थाना छुरा जिला गरियाबंद ल धारा सदर 20 ( ख) नारकोटिक एक्ट के तहत विधिवत गिरफ्तार करके न्यायिक अभिरक्षा म जेल भेजे जात हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।