जगरगुंडा थाना के जोनागुड़ा गांव तिर नक्सली मुठभेड़ म 5 जवान शहीद 12 घायल, तीन घंटा चले गोलीबारी म केऊ नक्सली मरे अनुमान

अंजोर.रायपुर। बीजापुर-सुकमा जिला के सीमा म सुकमा जिला के जगरगुंडा थाना क्षेत्र के जोनागुड़ा गांव के तिर आज सुरक्षा बल अउ नक्सली मनके बीच मुठभेड़ होगे। जेमा सुरक्षा बल 5 जवान के शहीद होए अउ 12 जवान के घायल होए के आरो मिले हाबे। ये मउका म प्रदेश के मुखिया श्री बघेल ह शहीद मनके परिजन के प्रति संवेदना प्रकट करत किहिन हावय के सुरक्षा बल के शहादत व्यर्थ नइ जाही। हमार जवान ह शौर्य के परिचय देत नक्सली मनके भी भारी नुकसान पहुंचाये हावय। आगू ओमन किहिन के नक्सली मनके विरूद्ध सुरक्षा बल अऊ तेजी ले अभियान चलाही। मुख्यमंत्री ह ए घटना म घायल जवान मनके बेहतर इलाज के सुविधा उपलब्ध कराये के निर्देश दे हावय। जानबा होवय के सुरक्षा बल अउ नक्सली मनके बीच मुठभेड़ म 5 जवान शहीद अउ 12 जवान घायल होए हावय। अऊ एक महिला नक्सली के शव तको बरामद करे गे हावय। शहीद जवान म कोबरा बटालियन ले 01, बस्तरिया बटालियन ले 2 अउ डीआरजी के 2 जवान शामिल हावय। तीन घंटा ले जादा समय तक चले मुठभेड़ म नक्सली मनके भी भारी नुकसान होइ के अनुमान हावय।