महासमुंद म तीन निजी अस्पताल मन म होही अब कोविड के ईलाज

अंजोर.महासमुंद। छत्तीसगढ़ म कोविड-19 के बढ़त मामला अउ कोविड मरीज मन के लघियात अउ बढि़या उपचार के खातिर महासमुंद के तीन निजी अस्पताल आरएलसी हॉस्पिटल महासमुंद अउ जैन हॉस्पिटल महासमुंद के संग ही भारती हॉस्पिटल सरायपाली म कोविड मरीज के इलाज होही। 

ये तीनों निजी अस्पताल मन म 32 आक्सीजन बेड के सुविधा के संग 24  जनरल बेड के सुविधा हावय। एमे कोरोना के मरीज मन के इलाज होही। राज्य शासन ले मंजूरी मिले के बाद ज़िला प्रशासन डहर ले अनुमति जारी करे गे हावय। आरएलसी हॉस्पिटल महासमुंद म 19 ऑक्सीजन बेड 16 जनरल बेड, जैन हॉस्पिटल महासमुंद म 6 अक्सीजन बेड, भारती हॉस्पिटल सरायपाली 7 ऑक्सीजन बेड अउ 8 जनरल बेड उपलब्ध हावय। प्रदेश म फिलहाल सरकारी अउ निजी दुनों अस्पताल मन म कोरोना के इलाज होत रिहिन हावय। सरकारी अस्पताल मन म येकर खातिर कोनो शुल्क नइ ले जात हावय। उहें निजी अस्पताल मन म सरकार के तय गाइडलाइन के मुताबिक कोविड ट्रीटमेंट (covid 19 treatment cost in chhattisgarh) फीस ले जाही।