अंजोर.महासमुन्द, 26 अप्रैल 2021। जिला के सबो वर्ग डहर ले कोविड-19 के संक्रमण अउ रोकथाम के खातिर अपन स्तर म पहल करके वैश्विक महामारी ले निपटे के खातिर अउ जरूरतमंद लोगन के सहयोग अउ मदद पहुंचाये के खातिर बढ़-चढ़के आगू आत हावयं। इही कड़ी म आज जिला कार्यालय के सभाकक्ष म कलेक्टर डोमन सिंह ले मुलाकात करके सरपंच संघ के प्रतिनिधि एमे सरपंच संघ के अध्यक्ष वीरेन्द्र चंद्राकर, गांव खरोरा के सरपंच श्रीमती सुनीता चंद्राकर, कांपा के सरपंच गजानंद साहू, बेलसोंडा के सरपंच श्रीमती भामिनी चंद्राकर, साराडीह के सरपंच साजन यादव अउ बेलसोंडा के उप सरपंच हुलसी चंद्राकर ह कोविड-19 के ए दौर म जीवन दीप समिति के ऑक्सीजन कंसंट्रेटर मशीन खरीदे के खातिर सहयोग के रूप म 40 हजार रूपिया के चेक सौपिन। कलेक्टर श्री सिंह ह जिला प्रशासन के तरफ ले उंकर धन्यवाद ज्ञापित करत किहिन के ए वैश्विक महामारी के दौर म गांव म भी आप लोगन मन जरूरतमंद के भरपूर सहयोग करव। ओमन किहिन के कोरोना संक्रमण ले निपटे खातिर जिला प्रशासन डहर ले हरसंभव प्रयास करे जात हावय। ए मउका म जिला पंचायत के मुख्य कार्यपालन अधिकारी आकाश छिकारा तको उपस्थित रिहिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।