अस्पताल म बने इलाज के संग आगजनी के घटना रोक के पुख्ता इंतजाम हो : मुख्यमंत्री भूपेश बघेल

अंजोर.रायपुर, 25 अप्रैल 2021। मुख्यमंत्री भूपेश बघेल रायपुर अउ दुर्ग संभाग के सबो नगर पालिका परिषद के अध्यक्ष अउ मुख्य नगर पालिका अधिकारी मन के संयुक्त बइठक लेके कोरोना संक्रमण के अद्यतन स्थिति अउ बचाव के उपाय के समीक्षा करिन। मुख्यमंत्री निवास कार्यालय ले आयोजित वीडियो कॉन्फ्रेंसिंग म नगरीय प्रशासन मंत्री डॉ. शिव कुमार डहरिया, मुख्य सचिव अमिताभ जैन, मुख्यमंत्री के सचिव सिद्धार्थ कोमल सिंह परदेशी, नगरीय प्रशासन विभाग के सचिव श्रीमती अलरमेलमंगई डी. अउ नगर पालिका परिषद के अध्यक्ष अउ अधिकारी शामिल होए।

मुख्यमंत्री श्री बघेल ह समीक्षा करत नगरीय निकाय ल हर गली-मोहल्ला म रोज नियमित रूप साफ-सफाई अउ कचरा के निपटान के खातिर सख्त निर्देश दिस। ओमन ए बखत नगरीय निकाय के सबो गली-मोहल्ला म सरलग भ्रमण करके ये भी निगरानी रखे के खातिर निर्देशित करिन के उहां लोगन के भीड़ न हो अउ कोरोना के संक्रमण फैलाव नी पाए। ओमन कोरोना संक्रमण के रोकथाम के खातिर कोविड-19 के प्रोटोकॉल के पालन भी सुनिश्चित करे बर किहिन। ओमन ए बखत नगरी निकाय क्षेत्र ले एयरपोर्ट, रेल्वे स्टेशन अउ बस स्टेंड सहित सीमावर्ती क्षेत्र म बाहरी लोगन के सघन जांच अउ बेवस्था के खातिर जरूरी निर्देश दिस। 

मुख्यमंत्री श्री बघेल ह समीक्षा के बखत अस्पताल मन म आगजनी के घटना के रोके अउ मरीज मन के सुगमता ले इलाज के खातिर पुख्ता प्रबंध सुनिश्चित करे के निर्देश दिस। ओमन किहिन के येकर तहत अस्पताल मन म वेन्टीलेटर, ऑक्सीजन युक्त बिस्तर, जरूरी चिकित्सा उपकरण अउ दवाई के पर्याप्त उपलब्धता म विशेष धियान दें, ताकि मरीज मन के इलाज के खातिर कोनो दिक्कत नइ हो। ओमन ए ओड़र म मरीज मन अउ इलाज म सहूलियत के खातिर ग्रामीण क्षेत्र म भी हर गांव पंचायत स्तर म ऑक्सीमीटर अउ दवाई के पर्याप्त उपलब्धता खातिर किहिन। स्थानीय स्तर म ऑक्सीमीटर अउ दवाई उक के सहज उपलब्धता ले मरीज आवश्यकतानुसार येकर तुरते उपयोग कर सकही, जेन बीमारी ल बढ़े ले रोके म काफी कारगर होही।