पीएम केयर्स के माध्यम ले अब 551 पीएसए ऑक्सीजन उत्पादन संयंत्र स्थापित करे जाही

अंजोर.नई दिल्ली। अस्पताल मन म ऑक्सीजन के उपलब्धता बढ़ाये के प्रधानमंत्री के निर्देश के तहत, पीएम केयर्स फंड ह देश म सार्वजनिक स्वास्थ्य केंद्र म 551 समर्पित पीएसए (प्रेशर स्विंग ऐड्सॉर्प्शन) चिकित्सा ऑक्सीजन उत्पादन संयंत्र के स्थापना के खातिर धन आवंटन के सैद्धांतिक मंजूरी दे दीस। पीएम ह निर्देश दे हावय के ये संयंत्र ल जल्दीध ले जल्दीी शुरू करे जाए। ओमन किहिन के ये संयंत्र ले जिला स्तर म ऑक्सीजन के उपलब्धता सुनिश्चित करे म काफी मदद मिलही।

ये समर्पित संयंत्र आने-आने राज्य/केंद्रशासित प्रदेश म जिला मुख्यालय म चिन्हित सरकारी अस्पताल मन म स्थापित करे जाही। खरीद प्रक्रिया स्वास्थ्य अउ परिवार कल्याण मंत्रालय के माध्यम ले करे जाही। पीएम केयर्स फंड ह ए साल के शुरुआत म देश म सार्वजनिक स्वास्थ्य केंद्र म अतिरिक्त 162 डेडिकेटेड प्रेशर स्विंग ऐड्सॉर्प्शन (पीएसए) मेडिकल ऑक्सीजन उत्पादन संयंत्र लगाये के खातिर 201.58 करोड़ रुपिया आवंटित करे रिहिस।

जिला मुख्यालय के सरकारी अस्पताल मन म पीएसए ऑक्सीजन उत्पादन संयंत्र स्थापित करे के मुख्य उद्देश्य सार्वजनिक स्वास्थ्य प्रणाली ल अउ मजबूत करना हावय अउ ये सुनिश्चित करना हावय के एमे ले सबोच अस्पताल मन म कैप्टिव ऑक्सीजन उत्पादन के सुविधा बने रइही। ए रकम ले अपन स्तर म ऑक्सीजन उत्पादन सुविधा ले ये अस्पताल मन अउ जिला के दिन-प्रतिदिन के मेडिकल ऑक्सीजन के जरूरत पूरी हो सकही। येकर अलावा, तरल चिकित्सा ऑक्सीजन (एलएमओ) कैप्टिव ऑक्सीजन उत्पादन के 'टॉप अप' के रूप म काम करही। ए रकम ले प्रणाली ये सुनिश्चित कर सकही के जिला के सरकारी अस्पताल मन के ऑक्सीजन के आपूर्ति म अचानक व्यवधान न उत्पन्न हो सके अउ कोरोना मरीज मन अउ आन जरूरतमंद मरीज मन के खातिर निर्बाध रूप ले पर्याप्त ऑक्सीजन मिल सके।