ऑनलाइन रजिस्ट्रेशन के बेवस्था ले सामाजिक अउ आर्थिक रूप ले कमजोर वर्ग ल टीकाकरण के कइसे मिलही लाभ : मुख्यमंत्री भूपेश बघेल के प्रधानमंत्री ल चिट्ठी

अंजोर.रायपुर, 30 अप्रैल 2021। मुख्यमंत्री भूपेश बघेल ह प्रधानमंत्री नरेंद्र मोदी जी ल चिट्ठी लिखके सामाजिक अउ आर्थिक रूप ले कमजोर वर्ग के टीकाकरण म सर्वोच्च प्राथमिकता दे के मांग करे हावय। मुख्यमंत्री ह चिट्ठी म उल्लेख करे  हावय के भारत सरकार के दिशा निर्देश के मुताबिक दिनांक 28 अप्रैल 2021 ले कोविन पोर्टल म कोविड के विरुद्ध वैक्सिनेशन बर इच्छुक 18 ले 44 साल के उमर वर्ग के हितग्राही मनके के रजिस्ट्रेशन प्रारम्भ हो चुके हावय। हालाँकि ये जानकारी पोर्टल म राज्यवार उपलब्ध नइ हावय, मिले जानकारी मुताबिक अब तक देश भर म ए उमर वर्ग के लगभग 1.7 करोड़ नागरिक डहर ले कोविन पोर्टल म रजिस्ट्रेशन करवा ले गे हावय।

भारत सरकार के दिशा निर्देश के मुताबिक ए उमर वर्ग के टीकाकरण बर वैक्सीन डोसे के क्रय राज्य डहर ले ही करे जाना हावय। इही तारतम्य म राज्य डहर ले वैक्सीन के दोनो उत्पादक के कोविशील्ड अउ कोवैक्सीन के 25-25 लाख डोसेज़ बर माँग प्रेषित करे गे। एमे ले एक उत्पादक (भारत बायोटेक) के ही उत्तर मिले होइस हावय जेकर मुताबिक वांछित मात्रा म ले मात्र तीन लाख डोसेज़ मई महीना म राज्य ल मिल पाएँगी। अइसे परिस्थिति म बड़ी संख्या म रजिस्ट्रेशन होए ले अउ वो अनुपात म वैक्सीन डोज़ उपलब्ध न होए ले टीकाकरण बर बने सेशन साइट्स म भीड़ प्रबंधन म समस्या उत्पन्न हो सकत हावय।

मुख्यमंत्री ह चिट्ठी म उल्लेख करे हावय के अइसे परिस्थिति म वैक्सीन के कमी ल धियान म रखत भारत सरकार डहर ले टीकाकरण बर ए उमर वर्ग म प्राथमिकता के कोनो क्रम निर्धारित होना चाही अउ ए क्रम म सामाजिक अउ आर्थिक रूप ले कमजोर वर्ग के सर्वोच्च प्राथमिकता दे जाना चाही। वर्तमान म रजिस्ट्रेशन के बेवस्था केवल ऑनलाइन ही उपलब्ध होए ले भी सामाजिक अउ आर्थिक रूप ले कमजोर वर्ग के टीकाकरण ले वंचित रेहे के संभावना बढ़ जात हावय। मुख्यमंत्री श्री बघेल ह चिट्ठी के अंत म प्रधानमंत्री श्री नरेन्द्र मोदी ले अरजी करे  हावय के पहिली के भांति 18- 45 साल के उमर वर्ग के खातिर भी ऑन साइट रजिस्ट्रेशन के सुविधा उपलब्ध हो ताकि टीकाकरण ले कोनो भी वंचित नइ रह पाए।