इंदिरानगर म चलत क्रिकेट सट्टा म रायगढ़ पुलिस के रेड, दू आरोपी गिरफ्तार

अंजोर.रायगढ़। पुलिस अधीक्षक के दिशा निर्देशन म आईपीएल क्रिकेट सट्टा म सरलग कार्यवाही के बीच कोतवाली टीआई अउ हमराह स्टाफ डहर ले इंदिरानगर गंगाराम तालाब के पास एक मकान म दबिश देके क्रिकेट सट्टा म कार्यवाही करे  गिस। टी.आई. कोतवाली ल सूचना मिले रिहिस के बीड़पारा म रहइया इमरान हुसैन ऊर्फ सोनू अउ इमरान खान ऊर्फ बाबू इंदिरानगर मकान म आई.पी.एल. क्रिकेट के पंजाब अउ कलकत्ता के मध्य खेले जात क्रिकेट मैच म लोगन ले मोबाईल म सट्टा लेत हावयं। छापामारी बखत एक कमरा म इमरान हुसैन ऊर्फ सोनू अउ इमरान खान ऊर्फ बाबू लाइव चल आई.पी.एल. क्रिकेट पंजाब अउ कलकत्ता म लेपटाप अउ मोबाईल ले बात करत सट्टा के हिसाब किताब लिखत मिलिस। 

पुलिस टीम डहर ले आरोपी इमरान हुसैन ऊर्फ सोनू ले एक लेपटाप, लाखों के सट्टा के हिसाब किताब लिखे एक कापी, 06 नग मोबाईल अउ सट्टा खेलाये ले मिले नगदी रकम 19,500 रूपिया, इमरान खान ऊर्फ बाबू ले 05 नग मोबाईल अउ सटटा खेलाये ले मिले रकम 5370 रूपिया जप्त करे गे हावय। गिरफ्तार आरोपी 01. इमरान हुसैन ऊर्फ सोनू पिता मुर्तजा हुसैन उमर 40 साल निवासी बीडपारा थाना कोतवाली रायगढ, 02. इमरान खान ऊर्फ बाबू पिता अरमान खान उमर 38 साल निवासी बीडपारा थाना कोतवाली रायगढ के विरूद्ध थाना कोतवाली म धारा 4(क) जुआ एक्ट के कार्यवाही करे गिस हावय।