दिल्ली, मध्य प्रदेश, महाराष्ट्र अउ उत्तर प्रदेश म रेलवे के कोविड देखभाल कोच

अंजोर.नई दिल्ली। रेल मंत्रालय कोविड महामारी के ए दूसरइया लहर के बखत अपन 64,000 बिस्तर क्षमता वाले 4,000 कोच (आइसोलेशन यूनिट के रूप म तैयार) के माध्यम ले राज्य सरकार के तरफ ले मिलत कोविड देखभाल कोच के मांग तेजी ले पूरा करत हावय। वर्तमान म उपलब्ध आंकड़ के अनुसार, ये कोविड देखभाल कोच म 81 कोविड मरीज मन के प्रवेश अउ इही क्रम म 22 मरीज मन के डिस्चार्ज देखे ल मिलत रिहिन हावय। कोनो भी कोविड देखभाल सुविधा म कोनो मौत दर्ज नइ करे गिस हावय। दिल्ली, उत्तर प्रदेश, मध्य प्रदेश अउ महाराष्ट्र राज्य म नौ बड़े स्टेशन म खड़े ये कोच के उपयोग के अद्यतन स्थिति ए रकम हावय: दिल्ली म, रेलवे ह राज्य सरकार के 1,200 बिस्तर क्षमता वाले 75 कोविड देखभाल कोच के मांग पूरी करे हावय। एमे ले 50 कोच शकूरबस्ती म खड़े हावयं अउ 25 कोच आनंद विहार स्टेशन म हावयं। वर्तमान म, शकूरबस्ती म 5 मरीज भरती कराए गे रिहिस अउ एक मरीज के डिस्चार्ज करके दे गे हावय। बीते साल (2020) म पहिली कोविड लहर म, शकूरबस्ती केन्द्र म 857 मरीज भरती अउ डिस्चार्ज होए रिहिस। 

भोपाल (मध्य प्रदेश) म, रेलवे ह 292 बिस्तर क्षमता वाले 20 आइसोलेशन कोच तैनात करे  हावयं। एमे 3 मरीज भरती कराए गे रिहिस अउ वो वर्तमान म ए सुविधा के इस्तेमाल करके रिहिन हावयं। नंदरूबार (महाराष्ट्र) म, 292 बिस्तर क्षमता वाले 24 आइसोलेशन कोच तैनात करे गे हावयं। ए केन्द्र म अभी तक 73 लोगन भरती कराए गे हावयं। वर्तमान कोविड लहर म भरती होए 55 मरीज मन म ले 7 मरीज डिस्चार्ज हो गे हावयं। आज (26.04.2021) के 4 नवा मरीज भरती होए। ए यूनिट म 326 बिस्तर अभी तक कोविड मरीज मन के खातिर उपलब्ध हावयं। उत्तर प्रदेश म, भले ही राज्य सरकार ह कोच के मांग नइ के हावय, फेर फैजाबाद, भदोही, वाराणसी, बरेली अउ नजीबाबाद म कुल 800 बिस्तर क्षमता (50 कोच) वाले 10-10 कोच तैनात हावयं।