पाछू साल के पाप धोवे बर एसो रेलवे चलावत हाबे ऑक्सीजन एक्सप्रेस

अंजोर.नई दिल्ली। कोविड-19 ले निपटे के खातिर रेलवे ह ऑक्सीजन एक्सप्रेस चलाये के तइयारी करे हावय। मुंबई डिवीजन ह रातोंरात 24 घंटे के भीतर कलंबोली माल यार्ड म फ्लैट वैगन म टैंकर के लोडिंग/अनलोडिंग के सुविधा के खातिर एक रैंप तइयार करे हावय। 7 खाली टैंकर मन के संग रो-रो सेवा विशाखापट्टनम इस्पात संयंत्र के खातिर कलंबोली माल यार्ड ले रात 8.05 बजे रवाना होइस। ये ट्रेन वसई रोड, जलगांव, नागपुर, रायपुर जंक्शन ले होके पहिली तट रेलवे क्षेत्र म विशाखापट्टनम इस्पात संयंत्र जाही, जिहां तरल मेडिकल ऑक्सीजन लोड करे जाही।

ये उही रेलवे आए जेन पाछु साल अपन सेवा ल अचानक रोक दे रिहिस जेकर ले लाखों मजदूर आन आन ठउर म फंसे रिगे रिहिस। कतकोन मजदूर मनके मउत तको होए रिहिस रेलवे ले, पटरी म सूते। बाद म अपन सेवो देवत कुछ राहत जरूर दीस, लेकिन पइसा लेके सेवा देना सरकारी तंत्र बर बने बात नोहय। एसो उही रेलवे ह फेर अपन पीठ थपथपावत हावय ऑक्सीजन एक्सप्रेस चलाके। 

यहू गौर करे वाला बात हावय के ऑक्सीजन पहुंचाये के खातिर आने-आने राज्य मनके अनुरोध म रेल मंत्रालय ह तरल ऑक्सीजन के परिवहन के संभावना तलाशीं अउ ट्रायल रन शुरू करे हावय।