ऑक्सीजन अउ रेमडेसिवर के आपूर्ति म तेजी लाये जाही : वित्त मंत्री श्रीमती निर्मला सीतारमण

अंजोर. नवा दिल्ली, 22 अप्रेल 2021। केन्द्री य वित्त अउ कॉर्पोरेट मामला के मंत्री श्रीमती निर्मला सीतारमण ह महामारी ले दूसइया पइत उबरे खातिर सूक्ष्म रोकथाम रणनीति अपनाये के जरूरत म जोर देवे अउ स्वीकार करे के सीआईआई के संग विचार-विमर्श ह ए रणनीति ल आकार दे म मदद करे हावय। वित्त मंत्री ह येकर औचित्य के बारे म बतात किहिन के पिछली बार के तुलना म अब हमार पास महामारी ले निपटे खातिर टीके अउ दवा जइसे जरूरी उपकरण हावयं।

कोविड-19 के एक जरूरी उपचार उपकरण,  चिकित्सा ऑक्सीजन के मांग म अभूतपूर्व वृद्धि ल पूरा करे के खातिर वित्त मंत्री ह राज्य मनला निर्बाध आपूर्ति के आश्वासन दीस। वित्त मंत्री ह किहिन के सरकार जेन उपाय करत हावय, ओमा मेडिकल ऑक्सीजन के आयात करना, ऑक्सीजन फिलिंग स्टेशन ल चौबीस घंटा कामकरना अउ नाइट्रोजन, आर्गन के खातिर इस्तेमाल होए वाले कंटेनर ल ऑक्सीजन के खातिर इस्तेमाल करना शामिल हावय।

वित्त मंत्री ह प्रति महीना 36 लाख छोटे बोतल ले लेकर 78 लाख छोटी बोतल तक रेमडेसिवर के क्षमता बढ़ाये म सरकार के पहल के विवरण भी दीस। ओमन किहिन के ये उपाय म ले कुछ म नवा क्षमता के खातिर तेजी ले मंजूरी, निर्यात के रोकना, एपीआई के निर्यात के रोकना अउ ए जीवन रक्षक दवा के निर्माण म उपयोग करे जाये वाले फॉर्मूले शामिल हावयं, अउ एसईजेड म स्थित ईओयू अउ निर्माता के घरेलू बाजार म भी बेचे के अनुमति शामिल हावय।

बातचीत म रेमेडेसिवर के निर्माण करइया सीआईआई सदस्य मन ह वित्त मंत्री ल अवगत कराइन के वो वास्तव म प्रति महीना 78 लाख छोटी बोतल के प्रतिबद्ध लक्ष्य ल पार करे अउ प्रति महीना 1 करोड़ छोटी बोतल के उत्पादन तक पहुंचाये के लक्ष्य के खातिर काम करत रिहिस।