राज्य शासन के धियान म आये हावय के पाछु कुछ दिन ले राज्य म कोविड 19 ले संक्रमित मरीज मन के उपचार बर रेमडेसिविर इंजेक्शन के मांग म बढ़ोत्तरी होए हावय। ये परिस्थिति ल देखत छत्तीसगढ़ एपिडेमिक डीजिस कोविड 19 रेगुलेशन 2020 अउ महामारी अधिनियम 1897 के तहत प्रदत्त शक्ति के अधीन रेमडेसिविर इंजेक्शन के उपयोग अउ रिकार्ड संधारण के संबंध म दिशा निर्देश प्रसारित करे गे हावयं। रेमडेसिविर के उपयोग स्वास्थ्य विभाग डहर ले जारी टीटमेंट प्रोटोकाल अउ आई सी एम आर डहर ले जारी दिशा निर्देश के मुताबिक करे जाए। अस्पताल म भरती कोविड मरीज मन बर रेमडेसिविर लगाये के जरूरत के असेसमेंट अस्पताल म कार्यरत मेडिसीन विशेषज्ञ, पलमोनोलाजिस्ट, इंटेसिविस्ट या अधिकृत चिकित्सक डहर ले करे जाही अउ उंकर अनुमोदन के बाद ही एला कोविड मरीज मन ल लगाये जाही।
निर्देश म किहिन के अस्पताल म रेमडेसिविर के स्टाक खतम होए म मरीज के परिजन ल बाहर ले बेवस्था करे के खातिर केहे जात हावय। अस्पताल म रेमडेसिविर के स्टाक खत्म होए के पहिली ही खा़द्य अउ औषधि प्रशासन/जिला प्रशासन ले समन्वय करके जरूरी बेवस्था सुनिश्चित करें। अस्पताल मन के ओ पी डी म रेमडेसिविर लगाना प्रोटोकाल के विरूद्ध हावय। रेमडेसिविर के उपलब्ध स्टाक के एन्ट्री, खाली वायल, को न लगाये गिस येकर समीक्षा अउ निरीक्षण जिला प्रशासन अउ मुख्य चिकित्सा अउ स्वास्थ्य अधिकारी डहर ले करे जाही।
अस्पताल मन डहर ले प्रतिदिन रेमडेसिविर के उपलब्ध स्टाक, खपत अउ मांग के संबंध म पाछु दिन के जानकारी बिहनिया 11 बजे मुख्य चिकित्सा अउ स्वास्थ्य अधिकारी ल अनिवार्य भेजा जाए। निर्देश म किहिन के जिला के डेडिकेटेड कोविड अस्पताल मन अउ कोविड केयर सेंटर बर आबंटित रेमडेसिविर इंजेक्शन के स्टाक रेडक्रास स्टोर या शासकीय संस्था डहर ले संचालित जनऔषधि केन्द्र म नइ दे जाए ताकि कोविड अस्पताल म पर्याप्त उपलब्ध राहय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।