अंजोर.रायपुर। देश म कोरोना संक्रमण के चलत लॉकडाउन म लोगन मोबाइल, कम्प्यूटर ले ऑनलाइन व्यवसाय, ख़रीदी अउ पइसा के लेनदेन जादा ले जादा करत रिहिन हावय, येकरे फायदा उठाके ठग मनके डहर ले नवा-नवा तरीका अपना के लोगन ले ठगी करे जात रिहिन हावय। मिले आरो के मुताबिक रायपुर साइबर सेल के डहर ले सरलग ठगी के तरीका अउ उंकर ले बचे के तरीका के सोशल साइट म साझा करे जात रिहिन हावय। येकर बावजूद भी लोगन ठगी के शिकार होगिन। एमा साइबर सेल के टीम डहर ले तुरते ऑनलाइन गेटवे अउ बैंक ले संपर्क करके ठगी के रकम रिफंड कराये खातिर सरलग प्रयासरत हावय। यहू बताये गे हावय के अब तक साइबर सेल के टीम पाछु 03 महीन म ऑनलाइन ठगी के शिकार 101 पीड़ित मनके रकम रिफंड कराये हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।