अंजोर.महासमुंद, 5 मई 2021। पुलिस अधीक्षक ह दीगर राज्य ले आने-जाने वाले अउ संदिग्ध मन म कड़ा नजर रख के निगरानी करे बर जिला के सबो थाना, चौकी प्रभारी मनला निर्देशित करे हावय। जेमा म आज थाना सिंघोड़ा डहर ले संदिग्ध वाहन म नजर रखके चेकिंग करे जा रिहिन के इही बखत एक सफेद रंग के स्वीफ्ट डिजायर कार क्र. CG 07 BT 8880 चेक पोस्ट ले गुजरत रिहिस जेन संदिग्ध लगे म वाहन के रोकके पूछताछ करे म अपन नाम दिनेश तिवारी पिता आर.के. तिवारी उमर 46 साल भिलाई जिला दुर्ग अउ योगेश कुमार सिंग उमर 35 खुर्सीपार भिलाई बताइन। वाहन के तलाशी करे म डिक्की म रखे लाल रंग के बैंग अउ सफेद थैला रखे मिले। जेमा भारी अकन रूपिया के बण्डल मिलिस। बैंग म कुल रकम 72,55,900 रूपिया भरे रिहिस। संदिग्ध मनखे मन ले रूपिया कहां ले लाना अउ कहां ले जाना येकर कोनो वैधानिक कागजात हावय तो दिखाये केहे म उंकर पास कोनो वैध दस्तावेज नइ मिलिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।