स्पीक अप छत्तीसगढ़ फॉर वैक्सीन : वैक्सीन बर एनएसयूआई करही “मोदी सरकार” ल जगाये खातिर सत्याग्रह

अंजोर.रायपुर। कोरोना राई के टीकाकरण के तिसरइया दौर चलत हावय, ये बीच कोरोना के तिसरइया लहर आये के आरो तको मिलत हावय। गरीब जनता के जीना दूबर होगे हावय एक कोति कोरोना के कहर त, दूसर कोति लॉकडाउन म हाथ खाली। ये सब के संग नेता मन अपन-अपन राजनीति के रोटी सेकत हावय। 

छत्तीसगढ़ म 18 बछर वाले पहिली टीका गरीब ल लगाये म, अब ये बात के विरोध सुरू होगे हावय। जबकी सरकार के कहना हावय के मांगे गे पूरा डोस कंपनी कोति ले नइ दे जात हावय ये येती पहिली अउ दूसरा के ओखी करे बर परत हावय। केन्द्र के इही रवइया ल देखत प्रदेश के एनएसयूआई कार्यकर्ता मन प्रदेश भर म केंद्र के तानाशाह सरकार अउ भाजपा नेता मनके विरोध म वीडियो बनाके #ModiTikaDo के साथ अपलोड करके सोशल मीडिया ले लोगन मन खातिर वैक्सीन खातिर आवाज बुलंद करें पै रचे हावय। इही उदीम म आज एनएसयूआई के कार्यकर्ता मन ट्वीट करके 18+ टीकाकरण ल लेके करे छल के विरोध म “मोदी सरकार” ल जगाये खातिर सत्याग्रह तको करिन जेमा बस्तर सांसद सगं रायपुर नगर निगम सभापति प्रमोद दुबे तको हांथ म तकती धरे एनएसयूआई म आइस।