पूर्व प्रधानमंत्री भारत रत्न श्री राजीव गांधी के पुण्य तिथि म भूपेश मंत्रीमंडल लिस शांति अउ सामाजिक सद्भाव के शपथ

अंजोर.रायपुर, 21 मई 2021। पूर्व प्रधानमंत्री भारत रत्न श्री राजीव गांधी के पुण्य तिथि 21 मई म आज मुख्यमंत्री श्री भूपेश बघेल ह अपन निवास कार्यालय म विधान सभा अध्यक्ष डॉ चरणदास महंत अउ मंत्रिमंडल के सहयोगी मनके संग स्वर्गीय राजीव गांधी के तैलचित्र म पुष्प अर्पित करके ओला विनम्र श्रद्धांजलि दीस। आज आतंकवाद विरोधी दिवस के मउका म मुख्यमंत्री श्री बघेल सहित मंत्रिमन अउ उपस्थित सबो लोगन ह देश के अहिंसा अउ सहनशीलता के परंपरा के प्रति अपन दृढ़ विश्वास प्रकट करत आतंकवाद अउ हिंसा के डटके विरोध करे, मानव जाति के सबो वर्ग के बीच शांति, सामाजिक सद्भाव अउ सूझबूझ कायम करे अउ मानव जीवन मूल्यव ल खतरा पहुंचाये वाला अउ विघटनकारी शक्ति ले लड़ने के शपथ लीस।

विधानसभा अध्यक्ष डॉ. चरणदास महंत सहित स्वास्थ्य मंत्री टी.एस. सिंहदेव, गृह मंत्री ताम्रध्वज साहू, कृषि मंत्री रविन्द्र चौबे, वन मंत्री मोहम्मद अकबर, स्कूल शिक्षा मंत्री डॉ. प्रेमसाय सिंह टेकाम, नगरीय प्रशासन मंत्री डॉ. शिवकुमार डहरिया, खाद्य मंत्री अमरजीत भगत, महिला अउ बाल विकास मंत्री श्रीमती अनिला भेंड़िया, उद्योग मंत्री कवासी लखमा, राजस्व मंत्री जयसिंह अग्रवाल, उच्च शिक्षा मंत्री उमेश पटेल अउ लोक स्वास्थ्य यांत्रिकी मंत्री गुरू रूद्रकुमार, मुख्यमंत्री के सलाहकार द्वय विनोद वर्मा अउ राजेश तिवारी, मुख्य सचिव अमिताभ जैन, अपर मुख्य सचिव सुब्रत साहू, कृषि उत्पादन आयुक्त डॉ एम गीता, मुख्यमंत्री के सचिव सिद्धार्थ कोमल सिंह परदेशी अउ संचालक कृषि अमृत खलखो तको उपस्थित रिहिस।