अंजोर.रायपुर, 21 मई 2021। राजधानी रायपुर के राजीव गांधी चौक के सौंदर्यीकरण बुता रायपुर स्मार्ट सिटी लिमिटेड डहर ले नगर निगम के संग मिलके पूर्व प्रधानमंत्री भारत रत्न स्वर्गीय श्री राजीव गांधी के आदमकद प्रतिमा ल नया कलेवर देत आकर्षक स्वरूप प्रदान करिन हावय। भारत रत्न स्वर्गीय राजीव गांधी की पुण्य तिथि के मउका म प्रदेश मुखिया दाऊ भूपेश बघेल ह आज चौक के अपन निवास कार्यालय ले वर्चुअल रूप म लोकार्पण करिन। ये मउका म महापौर एजाज ढेबर, महिला आयोग के अध्यक्ष श्रीमती किरणमयी नायक, सभापति के प्रमोद दुबे, एम.आई.सी. सदस्य के ज्ञानेश शर्मा, श्री आकाश तिवारी सहित जन प्रतिनिधि मन ह भावभीनी श्रद्धांजलि अर्पित करिस।
मिले आरो के मुताबिक कोरोना काल के विषम परिस्थिति म रायपुर स्मार्ट सिटी लिमिटेड अउ नगर पालिक निगम रायपुर ह मिलके एक महीना के भीतर ये जगह ल आकर्षक अउ भव्य स्वरूप प्रदान करिन हावय। बुता के अनुमानित व्यय लगभग 50 लाख रूपिया हावय। रायपुर स्मार्ट सिटी लिमिटेड डहर ले शहर सौंदर्यीकरण योजना के तहत स्वर्गीय श्री राजीव गांधी के प्रतिमा के रंग रोगन विशेष डीको पेंट ले करिन हावय। उंकर व्यीक्तित्व के आभा के मुताबिक थामेटिक आर.जी.बी. आधारित प्रकाश बेवस्था करके ए जगह ल तिरंगा के सदृश्य आलोकित करे गे हावय। प्रतिमा जगह म लैंड स्केपिंग, ग्रेनाईट कार्य, फोकस लाईटिंग अउ ल्यूमिनस लाईटिंग ले आकर्षक स्वरूप दे गे हावय। चैक के आस-पास के क्षेत्र म स्वर्गीय श्री राजीव गांधी जी के सोच अउ स्वप्न के मुताबिक रिहिसम आधारित वाल पेंटिंग करके महिला स्वावलंबन, शिक्षा, सूचना क्रांति जइसे संकल्प म उंकर योगदान ल अविस्मरणीय बनाये गे हावय।
स्वर्गीय श्री राजीव गांधी के पुण्य तिथि म रायपुर नगर निगम के महापौर एजाज ढेबर, सभापति प्रमोद दुबे सहित गिरीश दुबे, नगर निगम रायपुर के आने-आने विभाग के अध्यक्ष लोक कर्म विभाग के अध्यक्ष ज्ञानेश शर्मा, संस्कृति, पर्यटन, मनोरंजन अउ विरासत संरक्षण विभाग के अध्यक्ष आकाश तिवारी, खेलकूद अउ युवा कल्याण विभाग के अध्यक्ष जितेंद्र अग्रवाल, अनुसूचित जाति अउ अनुसूचित जनजाति विभाग के अध्यक्ष सुंदर जोगी, जोन -2 के अध्यक्ष हरजीत सिंह होरा, जोन-5 के अध्यक्ष मन्नु यादव , एल्डरमैन अफरोज अंजुम रायपुर सहित जन प्रतिनिधि अउ गणमान्य नागरिक ह पुष्पांजलि अर्पित करिन।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।