अंजोर.नई दिल्ली ए। खरीफ विपणन सीजन 2020-21 अउ रबी विपणन सीजन 2021-22 के बखत न्यूनतम समर्थन कीमत म हरियाणा, उत्तर प्रदेश, मध्य प्रदेश, राजस्थान, हिमाचल प्रदेश, दिल्ली अउ जम्मू अउ कश्मीर म गहूं के खरीदी चलत हावय। पाछु सीजन म 282.69 लाख मिट्रिक टन करे गे खरीद के तुलना म ए सीजन म अब तक (14.05.2021) तक 366.61 लाख मिट्रिक टन गहूं के खरीदी करे गिस हावय। चालू रबी विपणन सीजन म न्यूनतम समर्थन कीमत म 72,406.11 करोड़ रूपिया के खरीदी ले लगभग 37.15 लाख किसान लाभान्वित होए हावयं। अब तक कुल 742.41 लाख मीट्रिक टन (खरीफ फसल 705.52 लाख मीट्रिक टन अउ रबी फसल 36.89 लाख मीट्रिक टन) ले जादा धान के खरीदी के संग खरीफ के चालू सीजन 2020-21 म खरीद करे वाला राज्य म धान के खरीदी सुचारू रूप ले जारी हावय। पाछु साल इही बखत म 687.24 लाख मीट्रिक टन के खरीद करे गे रिहिस। चालू खरीफ विपणन सीजन के खरीद अभियान के जरिए न्यूनतम समर्थन कीमत म 1,40,165.72 करोड़ रूपिया के खरीदी ले लगभग 1.11 करोड़ लाख किसान लाभान्वित होए हावयं।
येकर अलावा, राज्य के प्रस्ताव के आधार म कीमत समर्थन योजना (पीसीएस) के तहत तमिलनाडु, कर्नाटक, महाराष्ट्र, तेलंगाना, गुजरात, हरियाणा, मध्य प्रदेश, उत्तरप्रदेश, ओडिशा, राजस्थान अउ आंध्र प्रदेश के खातिर खरीफ विपणन सीजन 2020-21 अउ रबी विपणन सीजन 2021 के खातिर 107.37 लाख मीट्रिक टन दलहन अउ तिलहन के खरीदी ल मंजूरी दीस गिस। आंध्र प्रदेश, कर्नाटक, तमिलनाडु अउ केरल के खातिर नारियल (बारहमासी फसल) के 1.74 लाख मीट्रिक टन के खरीद के खातिर भी मंजूरी दीस। कीमत समर्थन योजना (पीएसएस) के तहत दलहन, तिलहन अउ नारियल के खरीदी के प्रस्ताव मिले आन राज्य/केन्द्र-शासित प्रदेश के खातिर भी खरीदी ल मंजूरी दे जाही। ताकि संबंधित राज्य/केन्द्र–शासित प्रदेश म फसल कटाई के अधिसूचित बखत के बखत न्यूनतम समर्थन कीमत ले बाजार दर के नीचे जाये के स्थिति म राज्य के नामित खरीद एजेंसी के जरिए केंद्रीय नोडल एजेंसी डहर ले साल 2020-21 के खातिर ये फसल मनके एफएक्यू ग्रेड के खरीद अधिसूचित न्यूनतम समर्थन कीमत म सीधा पंजीकृत किसान मन ले की जा सके। खरीफ विपणन सीजन 2020-21 अउ रबी विपणन सीजन 2021 के तहत अब तक, सरकार ह अपन नोडल एजेंसी के जरिए 6,69,411.32 मीट्रिक टन मूंग, उड़द, अरहर, चना, मसूर, मूंगफली, सरस के बीजहा अउ सोयाबीन के खरीदी करे हावय।
जेकर तहत न्यूनतम समर्थन के आधार म 3507.80 करोड़ रूपिया के खरीदी करे गिस हावय। जेकर ले तमिलनाडु, कर्नाटक, आंध्र प्रदेश, मध्य प्रदेश, महाराष्ट्र, गुजरात, उत्तर प्रदेश, तेलंगाना, हरियाणा अउ राजस्थान के 4,01,265 किसान मन ल लाभ होइस हावय। इही प्रकार, 14.05.2021 तक कर्नाटक म 52.40 करोड़ रूपिया के न्यूनतम समर्थन कीमत म 5089 मीट्रिक टन नारियल (बारहमासी फसल) के खरीदी करके कर्नाटक अउ तमिलनाडु के 3961 किसान मन ल लाभान्वित करे गे हावय। संबंधित राज्य/केन्द्र–शासित प्रदेश के सरकार मन दलहन अउ तिलहन के आवक के आधार म संबंधित राज्य डहर ले तय करे गे तिथि ले खरीद शुरू करे के खातिर जरूरी बेवस्था करे हावयं।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।