अंजोर.रायपुर, 17 मई 2021। राज्य शासन के महिला अउ बाल विकास विभाग ह साफ करे हावय के विभाग के बजट म यूनिफॉर्म बिसाये खातिर 8 करोड़ 88 लाख रूपिया के प्रावधान करे हावय। वित्त विभाग डहर ले 31 मार्च 2021 के महिला अउ बाल विकास विभाग के यूनिफॉर्म बिसाये के सहमति प्रदान करे गे हावय। योजना ले 2020-21 म भी प्रावधान रिहिस अउ 2021-22 म भी प्रावधान हावयं। जानबा होवय के वित्तीय अधिकार पुस्तिका भाग-1 के खंड चार के बिंदु क्रमांक 9 म ए बर प्रशासकीय विभाग के अधिकार प्रत्यायोजित हावयं। एमा वित्त विभाग ह विभागीय प्रस्ताव के मुताबिक भारत सरकार के दिशा-निर्देश के मुताबिक यूनिफॉर्म बिसाये के आदेश जारी कर के सहमति दे हावय। वित्त विभाग डहर ले ये भी साफ करे गे हावय के व्यय वित्तीय साल 2021-22 के बजट ले करे जाए। एकर बर महिला अउ बाल विकास विभाग के बजट म 8 करोड़ 88 लाख रूपिया के प्रावधान हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।