मंत्री डॉ. डहरिया ह किहिन के ए गोदाम ल अप्रैल 2022 तक पूरा करे के लक्ष्य हावय, जेमा अवइया सीजन के उपार्जित चाउंर भण्डारण करे जा सकही। ए योजना के पूरा होए के बाद लगभग 200 ले 300 स्थानीय हमाल ल रोजगार उपलब्ध हो सकही अउ क्षेत्र म भण्डारण सुविधा के विस्तार होही।
नगरीय प्रशासन अउ विकास मंत्री डॉ. शिवकुमार डहरिया ह ए मउका म किहिन के आरंग कृषि प्रधान क्षेत्र हावय। कृषक डहर ले उत्पादित धान के छत्तीसगढ़ शासन डहर ले समर्थन कीमत म खरीदी करे जात हावय। उपार्जित चाउंर के भण्डारण बर आरंग म पर्याप्त भण्डारण सुविधा नइ होए के सेती दूरस्थ वेयरहाउस तक परिवहन कराये जात रिहिस। शासन ल परिवहन व्यय देना होत रिहिस। गोदाम के बने ले चाउंर के भण्डारण के सुविधा आरंग म ही उपलब्ध हो सकही। आरंग म अभी के बेरा वेयरहाउस के क्षमता 1800 मेट्रिक टन हावय।
छत्तीसगढ़ स्टेट सिविल सप्लाईज कार्पोरेशन डहर ले अऊ 10 हजार 800 मेट्रिक टन क्षमता के जरूरत अउ 8 साल के व्यवसायिक गारंटी दे गे हावय। संचालक मंडल के 44वीं बइठक ले स्वीकृति लेके गोदाम निर्माण बुता कराये जात हावय। छत्तीसगढ़ शासन डहर ले गोदाम निर्माण बर भूमि उपलब्ध कराई गे हावय अउ नाबार्ड के वेयरहासिंग इंफ्रास्ट्रक्चर फंड ले वित्तीय मदद मिले हावय।
जानबा होवय के शाखा आरंग म 10 हजार 800 मेट्रिक टन क्षमता गोदाम निर्माण बुता ले 1800 मेट्रिक टन क्षमता के 6 गोदाम वैज्ञानिक भण्डारण के मुताबिक बनाए जाही। परिसर म वाहन के आवागमन बर कांक्रीट रोड़ बनाये जाही अउ परिसर म हमाल के सुविधा बर हमाल विश्रामालय, सार्वजनकि शौचालय, धर्मकांटा स्थापना उक के बनाये जाही। परिसर के सुरक्षा के खातिर बाउण्ड्रीवाल, कार्यालय भवन, चौकीदार क्वार्टर, स्टाफ क्वार्टर, विद्युतीकरण उक बुता संग-संग करे जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।