अंजोर.रायपुर,17 मई 2021। कलेक्टर अउ जिला दंडाधिकारी रायपुर डॉ. एस भारतीदासन ह स्पष्ट करे हावय के स्वीट्स, मिठई अउ बेकरी के दुकान ल खोले के बेरा संझा 5:00 बजे तक करार करे हावय। ये दुकान मनके माध्यम ले होम डिलीवरी भी करे जा सकत हावय अउ ए बुता ल प्राथमिकता भी देना होही। होम डिलीवरी के बुता संझा 5:00 बजे तक करे जा सकत हावय।
जानबा होवय के रायपुर जिला ल 31 मई के बिहनिया 6:00 बजे तक कंटेनमेंट जोन एरिया घोषित करे गे हावय अउ येकर तहत दुकान अउ आन संस्था ल शर्तों के संग खोले के अनुमति प्रदान करे गे हावय। कलेक्टर ह किहिन हावय के कंटेनमेंट एरिया के आदेश के तहत बिंदु क्रमांक 6 के माध्यम ले किराना, डेली नीड्स अउ आन दुकान ल खोले के खातिर समय अउ शर्तों के निर्धारण करे गे हावय। मिठई, स्वीट्स अउ बेकरी के दुकान भी इही श्रेणी म आथे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।